ሐቂ ዶ ክንዛረብ
ታሪኽ ጀጋኑ ክምዝገብ
ተዓዛቢ ምዃን ዓገብ‘‘
__
ኣብ ሰራዊት ሐርነት
ዝተፈጸመ ውዲት
ድሕሪ ነጻነት
ን28 ዓመት
ውጽኢቱ ባርነት
ሕጂ ድማ ንውድባት
ዳግማይ ጥልመት‘‘
__
ሐሰኻ ደንበ ናብ ዝለምለመሉ
ደለይቲ ፍትሒ እንዳ መሰሉ
ንዝተወደቡ ውድባት ፋሕ ከብሉ
ማዕረ ጃንዳ ህግደፍ ሰሪሖምሉ‘‘
__
መንዩ ሐቀኛ
መንዩ ተሐታቲ
ካብ ናእሽቱ ካብ ዓበይቲ
ክብቱኑ ዝብሉ ናብቲ ናብቲ‘‘
__
ኤርትራዊ ህዝባዊ ሕቶ
መንዩ መዓስ ንስሕቶ
ዓይኑ ከይከፍት ዝዓገቶ‘‘
__
መንዩ ሐቀኛ
ንህግደፍ ከይንምክት ሐቢርና
ኣብ ምምራሕ ዘለዉ ካድራትና
ዶ እቶም ኣብ ዕላማና ሕድርና
ዘይጸናዕና ሐዲሽ ሐዲሽ ዝፈተና‘‘
__
ክንዲ ፍታሕ ምንዳይ
ምስ ብጾትካ ምኹራይ
ዲል ኣይንሃቦ ንኣባይ
ንጠቕሚ መንዩ ምፍልላይ
መንዩ በዳሊ የድሊ ምምማይ‘‘
__
ክንዲ ስኒት ምርባሕ
ክሳብ ማዓስ ፋሕ ፋሕ
ንዝደኸምናሉ ምፍንጣሕ‘‘
__
መንዩ ሐቀኛ
ናትካ ኣቐሚጥካስ
ክሳብ ማዓስ
ንውድባት ምኽሳስ‘‘
__
ማዕጾ ውድባት ክዕጾ
ድራማኹም እንታይ ክወጾ
ንባይቶ ከይሰርሕ ንዓንቅጾ‘‘
__
መንዩ ሐቂ ዘለዎ ፍረድዎ
ንህዝቢ ኤርትራ ከይርህዎ
ኣብ ጽገና ጠቕሚ ዘለዎ‘‘
__
ሸዓብ ኤርትራ ሸዓብ ሞት ሐረ
ያኣክል ኢሉ ዝሐረነ ዝነደረ
ኣብ ኣስመራ ዝሐድር ሐረረ
ጅግና ንድለ በዓል ቁምጣ ስረ‘‘
__
መንዩ ሐድነትና ዝብክል
ደጊም ያኣክል ምትላል
ንውድባት ካብ ንውንጅል
ኣብ ጽላል ብዙሐት ክነትክል
እዚ እዩ ጭርሖ ናይ ያኣክል‘‘
__
ዓወት ነቲ ደም ዝነብዕ ዘሎ ህዝቢ ኤርትራ;ክብርን ሞጎስን ንጀጋኑ ሰማእታትና፣ስዕረት ንጃንዳ ህግደፍን ዓንገልቶምን፣ ብኣባል ተሐኤ በርሀ ዑቅባዝጊ ሃገር ጀርመን።
__
