ወብሳይትና ሳላ ተሳትፍነት ብዙሓት ግዱሳት ሰባት ብፍላይ ድማ ኣስማቶም ክጥቀስ ዘይፈቐዱልና ኣብ ተክኒካዊ ሸነኽ ዓብይ ኣዝዩ ዓቢይ ሓገዝ ዘበርከቱልና ኣሕዋት፡ መቓልሕ ኣብ'ዚ ዘለዎ ደረጃ ንምብጻሕ እነሀ በቒዑ ንርኢ ኣሎና። ብዝተለገሰልና ኣበርክቶ እናመስገንና ንቐጻሊ እውን እቲ ዘይሕለል ተሳታፍነትካትኩም/ክን ቀጻሊ ኪኸውን ሓደራ እናበልና እዚ ዝስዕብ ሓበሬታ ንህብ።
እዚ ብፍልይ ዝበለ መልክዕ ቀሪቡ ዘሎ ናይ ሎሚ ወብሳይትና ምስቲ ዝነበረና እንክርአአ ኣዝዩ ዝሓሸ ንዓና'ውን ብዙሕ ናይ ስራሕ ምቕላል ዘምጽኣልና እኳ እንተኾነ፡ ኣብ ገለ ገለ ኣጠቓቕማኡ ግን ንብዙሓት ኣንበብቲ ጸገማት ይፈጥር ከምዘሎ ሳላ ሓበሬታታት ግዱሳት ክንበጽሖ ኽኢልና ኣሎና።
ኣብ ወብሳይትና ዝወጽእ ጽሑፋት ንምንባብ ካብ ኢንተርነት ኤክስፕሎረር ቍጽሪ 7 ኣትሒዙ ንናህና ጥራሕ ዘኮነስ ንብዙሕ ዘይላቲን ዝኾነ ፊደላት ናይ ምንባብ ጸገማት ኣሎ። እዚ ግን ናይ ማይክሮሶፍት ናይ ሸቐጥ ስትራተጂ ዘምጽኦ ጸገማት እምበር ብወብሳይትና ዝፍጠር ኣይኰነን እሞ ሞዚላ ክትጥቀሙ ዝሓሸ ምኻኑ ክንሕብረኩም ንፈቱ። ኣብ'ዚ ዝስዕብ ይጠውቑ/ቓ ኣገዳሲ ሶፍትወየርImportant Software
ንዓና ንስራሕና ብዝሓሸን ብዝቐልጠፈን ንኸነሰላስልን፡ ንዓኻትኩም/ክን ብዝግባእ ንኸነስተናግደኩም/ክን ክንክእልን ምእንቲ እቲ እትልእክዎ/ኦ ጽሑፋት ብዘይ ጸገም ከም ዝንበብ ንክኸውን ቅድም ቀዳድም ኣብ ክንዲ ብግዕዝ ታይፕ-ነት ብ ግዕዝ-ዩኒኮድ ዝተጻሕፈ ቀጺሉ ድማ ኣብ ማይክሮሶፍት ዎርድ ወይ ኣብ ተመሳሳሊ ዎርድ ፕሮሰሶር ዝሰፈረ ክኸውን እንከሎ ዝሓሸ ከም ዝኾነ ንገልጽ። ብዘይካ ፍሉይ ኣገዳሲ ሰነዳት እንተ ዘይኰይኑ ካልእ ኩሉ ናብ ፐደኤፍ ከይተቐየረ እንተ ዝለኣኸልና ወይ ድማ ብኽልቲኡ መልክዕ እንተ ተሰዲዱልና ብከም'ቲ ዘዝጥዕም ኣገባብ ተጠቒምና ብቕልጡፍ ኣብ ገጻት መቓልሕ ኤርትራ ኦርግ ከነውጽኦ ስለ እንኽእል ዝሓሸ ከም ዝኾነ ክነብርህ ንፈቱ።
ከካብ ዘለኻትክምዎ ሰፈራት ኰንካትኩም እትቕርብዎ ጽሑፋት፡ ኣብ ዘዝምልከቶ ዓምድታት ወብሳይትና ብቐጥታ ንምቕማጥ ይከኣል እዩ። ከም'ቲ ተዓዚብኩምዎ ክትኰኑ እትኽእሉ። እንተድኣ ተመዝጊብኩም ከከም'ቲ ዝወሃበኩም መሰላት ጽሑፋትኩም ኣብ መርበብ መቓልሕ ብቐጥታ ከተንብርዎን ከምኡ'ውን ኣብ ዘዝምልከቶ ገጻት ከም ዝስዃዕ ክትገብሩን ንኽትክእሉ እንተወሓደ ስምኩም ንጹር ክዀነልና ዝሓሸ እዩ። ወይ ድማ ድሕሪ ምዝገባኹም ምስ ወብማስተር ብቐጥታ ብኢ-ማይል እንተትላዘቡ ጽቡቕ ምኾነ።
ኣብ መደምደምታ ድማ ከምቲ ኵሉሳዕ ርእይቶታትኩምን ነቐፈታታትኩምን ከይፍለየና ሓደራ ንብል።
እመሓደርቲ መቓልሕ ኤርትራ ኦርግ
|
ሓበሬታ ንበጻሕቲ ወብሳይትና