ናይ ሓዘን መግለጺ

ካብ ኣባላት ተሓኤ ጨንፈር ጀርመን

ሓርበኛ ተስፉሁነይ መስፍን ኣምላኽ ይቀበልካ

ጽንዓት ያሃቦም ንበተሰብካ

ጽንዓት ያሃቦም ንመቓልስትኻ

ጠሊ ግደፈሎም ንደቅኻ ንብጾትካ

ቃልስኻ ክዕወት እዩ ይቅሰን መቓብርካ።

ሓርበኛ ከደ መንገዲ ንሓርነት ምስ ከፈተ

ዓመታት ተቓሊሱ ንህግደፍ ዝመከተ

ኣዋዲዱ ዋዕላ ንለውጢ ንዘተ

 ጀጋኑ ሓሊፉ ኣማዕድዩ እዳ ጠመተ

ማዓልቲ እንዳ ቆጸረ ምስ ህዝቡ ክዛተ።

ኣብዛ ዓለም ነባሪ  መን ኣሎ ካባና

መስዋእትኻ ዳኣ ሃንደበት ኮይኑና

ንሕና ውን ጽባሕ ሳዓብቲ ኢና

ንመቓልስትኻ  እዩ ጽንዓት ያሃብኩም ዘድሊየና።

ከም ኩሎም ተቓለስቲ ኣነ ውን ሓዚነ

ተቓላሳይ ጎዲሉና ፈዳይ ሕነ

ብመስዋእትኻ ብዙሕ ኣስተንቲነ።

እዛ ግጥመይ ክንዲ ብዙሕ ራኣያ

ኣታ ተባዕ ተቓላሳይ ሰራሕ ቅያ

እታ ሞት ንዓኻ ድያ ሓርያ

ኣምላኽ ይቀበልካ ኣታ ባዓል ሞያ።

ዘለኣለማዊ ዝኽሪ ንጀጋኑ ሰማእታትና

ካብ በርሀ ዑቁባዝጊ ሃገር ጀርመን